العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

خواطر شاب أعزب

كاتب الموضوع: mahna2009، فى قسم: منتدى الشعر والخواطر


1 
mahna2009

خواطر شاب أعزب


عايز عروسة يا أمي
حورية من جنة ربي
تِرَيّح بالي وتهنيني وتسعدني
محجبة يا أمي وبتصلي
وتدعي لي ربنا يسهلي
ومتدينة وملتزمة بتعاليم دين ربي
ومتمسكة بسنة محمد الأمين نبيي
عليه صلاة وسلام ربي
وتتصدق وتصوم وتزكي
وتستحيي من فعل أي شيء يغضب ربي
ودائما تصلي علي النبي
ولسانها دائماً يذكر الله تعالي ربي
ودائماً تقرأ القرآن بتأنّي
وترتل وتجوّد وتقول لي
تعالي إقرأ القرآن معايا وساعدني
لكي تستفاد من معانيه وتفيدني
إقرأ ورتل وجوّد وقول لي
المعاني وأحكام التجويد في قرائتي
ودائماً تذكر الموت والآخرة يا أمي
وبالآخرة والاستعداد للقاء الله تذكرني
دائماً أقول لها ياحبيبتي
الله يبارك لي فيكي
ويطول في عمرك ويخليكي
وتعيشي معايا طول عمري
وأقدر أسعدك وأهنيكي
وبدمي وروحي وعقلي أفديكي
وادعي لها بالرحمة والمغفرة في سري
وبالستر وتوسيع الرزق في جهري
لو حد بص في عنيها تستحيي
وتنكسف وتخجل من أي حد غيري
وطيبة وصادقة من بنات بلدي
شوفيها وقولي لي يا أمي
قولي لها حظك الحلو يابنتي
لو تزوجتي أحمد إبني
الحب والرومانسية عند إبني
والعطف والحنية كمان يابنتي
وهايعمل لكي شخصية ورأي إجتماعي
وشريكة له في كل قرار هاتكوني
وإنصيحها نصيحة لوجه ربي
قولي لها العصبية والنرفذة إتركي
ومش كل يوم والثاني تغضبي
وتحتاري بين بيت زوجك وبيت أبوكي
وهو عن الكبرياء يابنتي قال لي
ها أقول له أخرج من بيتي ياعدوي
ووضحي لها كمان يا أمي
شخصيتي وعاداتي وتقاليدي
قولي لها يابنت الحلال إعرفي
أحمد إبني من مجتمع ريفي
الشخصية القوية فوق كل شيء تطغي
وكلامه وقراره أمر عليكي
تنفذيه طالما بعيد عن ما يغضب ربي
وهذا ما قاله الاسلام ديني
طاعة ربك ثم طاعة زوجك تفعلي
وربنا يسعدك معاه ويهنيكي
هذه هي الزوجة الصالحة يا أمي
التي إذا نظرت إليها أسرَّتني
وإذا أمرتها أطاعتني
وإذا أقسمت عليها أبرَّتني
وإذا تأخرت عليها ولو مائة عام في سفري
في نفسها ومالها حفظتني
عرفتي طلبي يا أمي
هل موجودة في زمني ؟




3 
عاشقة الفردوس

هل موجودة في زمني ؟
وليه ماتكونش موجوده
هتلاقى منها كتير بس الشخص يختار كويس
هتلاقيها من النساء الحافظات ببيوتهن
وفى دور العلم والعباده
دول النساء رمز للطاعه والخجل والعلم والعرق الاصيل
للاسف الشباب بيهتموا بالمظاهر ومش شاغل بالهم غيرها
وبعدين يقولوا مافيش بنات كويسه اليومين دول
اساسا بتكون قدام عنيهم ومش بياخدوا بالهم
المحظوظ هو اللى لما يجدها مايفرطش فيها
واناأتاسف على الاطاله
كل الشكر لما طرحت


4 
mahna2009

اقتباس: المشاركة الأصلية كتبت بواسطة Wana Maly  مشاهدة المشاركة
أكيد مش موجودة يا مهنا للأسف
........

نورت يادرش
هى موجودة ياصاحبى بس عايزة ال يدور عليها
عارف زى ما فية فى بيتك بنات كويسين
اكيد بيوت الناس هتلاقى فيها كدا
بس عايزة صبر :Smile01:


5 
mahna2009

اقتباس: المشاركة الأصلية كتبت بواسطة عاشقة الفردوس  مشاهدة المشاركة
هل موجودة في زمني ؟
وليه ماتكونش موجوده
هتلاقى منها كتير بس الشخص يختار كويس
هتلاقيها من النساء الحافظات ببيوتهن
وفى دور العلم والعباده
دول النساء رمز للطاعه والخجل والعلم والعرق الاصيل
للاسف الشباب بيهتموا بالمظاهر ومش شاغل بالهم غيرها
وبعدين يقولوا مافيش بنات كويسه اليومين دول
اساسا بتكون قدام عنيهم ومش بياخدوا بالهم
المحظوظ هو اللى لما يجدها مايفرطش فيها
واناأتاسف على الاطاله
كل الشكر لما طرحت

عاشقة الفردوس كلماتك صحيحة لا اختلاف عليها
شكرا لما جال بة قلمك من تعليق
دمتى بخير



أدوات الموضوع
انواع عرض الموضوع



الساعة الآن 09:46 PM.


Powered by vBulletin® Copyright ©2000 - 2018, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.