السلام عليكم ورحمة الله وبركاته

ايه الاخبار يا شباب ويابنات يارب الجميع يكون بصحة وعافيه



يلا عشان ندخل فى الموضوع ومنرغيش كتير

طبعا انا كلامى مش على كل الشيوخ فى الاول كدا عشان نبقى على نور انا كلامى عن شوية ناس عاملين فيها شيوخ وقال الله وقال الرسول وهو شنكوتى طب ازاى يا شريف معلش وضح لنا اكتر مانا عارف مستوى الزكاء هنا عبقريه

يعنى نلاقى شباب حلوين طعمين سكر ياخواتى تيجى تعمل اى حاجه يقولك لا حرام انت ماتعرفش ربنا انت مسلم بزمتك طبعا بتحط وشك فى الارض قدامه لانه واضح ان الراجل فاهم فى الدين كويس اوى وتيجى تبص عليه تلاقيه تانى يوم بيظبط مع مزه او عمال يعاكس او سهران فى حته مش ولابد وهنا برده بيحصل الكلام ده كتير جدا تلاقى شباب تروح مثلا لو شاب بيكلم بنت يروح كدا ويعمل فيها ابن ناس ومحترم وانا آسف للمحترمين يقولها ماتكلميش الواد ده لإنه بتاع بنات وسافل وصايع وابن ستين فى سبعين وبعدها يقولها تعالى افهمك على الميل اكتر يا عين خالتك يا محترم انت يابن الناس

المهم اول مايكلمها يقعد بقى يتعرف عليها والبنت طبعا بتقول ده واحد محترم وإبن ناس
وخايف عليه اهو وياعينى تقع تحت ايد اللى مبيرحمشى والبس يا معلم

البنات بقى

طيب فيه برضه بنات كدا لما تشوف بنت بتتكلم مع واحد تقولها ازاى تكلمى مع واحد ده عيب وحرام ايه مابتخفيش من ربنا يا دزمه والبنت تتكسف من نفسها لو عندها دم وممكن تقولها وانتى مالك وده برضه لو ماعندهاش دم وتلاقى البنت فى حياتها الطبيعية عامله فيها مى عز الدين

بس بقت ظاهرة بجد موجوده بشكل كبير اوى فى مجتمعنا ده يقولك قال الله وقال الرسول وهو ولا بيعمل بأى حاجه عارفها ده ان كان عارف حاجة اصلا
انا واحد قبل ما انصح شخص لازم اكون انا مبعملش الحاجه دى
مش عايش حياتى ومقضيها واجى اعمل عليه شيخ وبتاع بطلوا بقوا عيب
انا مش ضد ان الناس تنصح وياريت فعلا نهتم بالصح والغلط والحرام والحلال
بس مش اى حد لابس ليا قناع على وشه وعامل فيها محترم وهو سافل ويجى يعمل فيها شيخ
دول انا ببقى عايز اضربهم بالجزمه القديمة بصراحة لانى بتخنق منهم جدا

لما واحد ييجى يقولى الشخص ده بيقول عليك كذا وكذا واجى اشوف الشخص الاقيه واطى يبقى رد فعلى ايه ؟؟
لو محترم يا سيدى على راسى هحاول اظبط نفسى ومعملش حاجه غلط تانى لكن تبقى واطى وتعملى فيها محترم لا مش هسكت لك

ميبقاش كلى عيوب واروح اقول لشخص انت فيك وفيك


طبعا معظم الشباب شافوا الموضوع ده وكمان البنات وطبعا فيه شباب من اللى بتعمل كدا هتشوف الموضوع ده وده المطلوب اثباته

انا عايز اعرف ايه رأيكم فى الناس دى وبتتصرف معاهم ازاى ؟
ياترى حياتنا محتاجه ان كل واحد يلبس قناع ويخفى عيوبة ودايما يخترع فى مميزات
وكمان ليه دايما بنشوف الناس اقل مننا واننا احسن منهم مع ان كتير اوى بيبقى العكس
وليه بنبص للبنى الادم الصريح مع نفسه واللى مابيخبيش حاجه انه صايع وفيه وفيه


يلا اسيبكم بقى عشان ايدى وجعتنى

فى رعاية الله