العودة   منتديات المصطبة > الأقسام الأدبية > منتدى الشعر والخواطر

منتدى الشعر والخواطر للأشعار والخواطر المكتوبة "للحـَرفِ توهّـجْ.. مـَراياَ للصـُدورْ تـُرجُمـَان للمشاعـِر"

أوصف اية انا ولا اية

كاتب الموضوع: mahna2009، فى قسم: منتدى الشعر والخواطر


1 
mahna2009

الى تلك الغالية التى ملات حياتى حبا ونورا






أمى أمى / أمى أمى

أوصف اية انا ولا اية
أوصف طيبة قلب .... طب أوصف خفة دم
ولا أوصف نظرة عين
أوصف حب بجد ... طب أوصف لهفة روح
ولا أوصف قلب حنون

أوصف إية انا ولا اية

عدى عمرى سنين بتجرى قدام عيونك شايف حياتى
نفسى مرة العمر يهدى أفضل اوصف فيكى واحكى

بس هحكى وأقول اية

ياما دا انتى الخير بحالة .. فرحة عمرى وزهرة شبابة
ياما نفسى أرد حاجة من حنانك من عطاءك

كرموكى فى شهر مارس يوم واحد فى السنة
بس ياما العمر كلة مايسوى كلمة فى مقامك

تيجى نوصف شعر ابيض هو نور الكون بحالة
ولا نوصف لون عيون فيها خير وفيها فرحة
تيجى نوصف لمسة ايد كل حنان الدنيا فيها
ولا نوصف روح قوليب كلة خوف وكلة خير

أخدت وعد ووفيت بية زيارتك ياما للحبيب
فوق كتافى
ولسة وعدى مستمر طول حياتى تحت امرك

قالوا أب وقالوا أخ .... قالوا أخت وقالوا عم ... قالوا خال وقالوا سيد
لكن انتى ملكيش مثيل

إنتى مرسى الكون بحالة بيكى نرسى لشط خير

كل واحد أمة غالية فوق كتافة شايلها عالية
وانتى بردة عندى غالية

نفسى اشيلك فوق كتافى نفسى اطير بيكى لفوق
نفسى ياما اشوف حياتك دايما بفرحة ومليانة نور

بس برجع تانى واسكت واقول لنفسى بتعمل اية
لو عشت فوق العمر عمر عمرى ما اقدر ع الوفا
دا انتى ياما سبب وجودى

اوصف اية انا ولا اية
اوصف رقة ورد .... طب اوصف ريحة عطر
ولا اوصف قلب كبير

اوصف اية انا ولا اية


يعود لخاطرى طيفك ويهل الدمع من عينى
على جلسة جلسناها وعلى ضحكة ضحكناها
وعلى ايامنا الحلوة
غدت ذكرى تبكينا وبنفس الوقت تروينا
ساق الله وقت جمعنا




5 
bono

كرموكى فى شهر مارس يوم واحد فى السنة
بس ياما العمر كلة مايسوى كلمة فى مقامك
الله هو ده الحب الحقيقى
الام اغلى شىء ف الوجود
يسلمو مهنا



Powered by vBulletin® Copyright ©2000 - 2018, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.