العودة   منتديات المصطبة > الطريق إلى الله > القسم الإسلامى العام

القسم الإسلامى العام خاص بالمواضيع الإسلامية العامة المكتوبة التى لا تحتوى على صوتيات ومرئيات دينية

تعبت من الطاعه

كاتب الموضوع: عيون حائره، فى قسم: القسم الإسلامى العام


1 
عيون حائره

تعبتوا من طاعة الله عزوجل !

آه .. خلينا نتكلم بصراحة ما هى الجنة
(( حفت بالمكاره ))
كما قال النبى صلى الله عليه وسلم
بمعنى : إنها متحوطة بالحاجات اللى النفس بتكرهها وعلشان توصل لها لابد أن تتخطى هذه المكاره وتعملها وتداوم عليها

فأنا بسألك : تعبت من الطاعة ؟
اتخنقت علشان مش بتقدر تنظر للحرام فى الوقت اللى غيرك بيبص فيه ؟
طب متضايق لأنك كل يوم بتقوم من النوم وفى عز البرد ده علشان تروح تصلى الفجر ؟
حاسس بضجر إنك مش عارف تسمع الأغانى اللى كنت بتستمع بيها زمان قبل ما تغير حياتك ؟

وأنتى يا أختى
مش صعبان عليكى اللبس اللى رمتيه والحجاب اللى كاتمة على نفسك بيه ؟ ده غير إنك مش عارفة تلبسى وتخرجى وتصاحبى زى بقية البنات ؟!

ها يا شباب تعبتوا ..


أحيانا نفوسنا البشرية بتطغى علينا .. وتثور على طاعتنا لله عزوجل اللى بتحرمها من الحاجات اللى بتحبها وبتهواها وبتعرضها للمكاره .. بتبقى قربت تنفجر وتصرخ جواانا

خلاص بقى أنا تعبت .. كفاية كده تعبت من الطاعه almstba.com_1357390093_386.gif

نفسك بتمل من الطاعة
آه ده فعلا بيحصل معانا .. وركز معايا فى الأسباب علشان نبعد عنها :
- خاصة لو كنا قريبين من الشهوات دى
- أو لو مستوى الإيمان فى قلوبنا انخفض وحلاوة المعاصى تغلبت على لذة الطاعات

طيب وايه العمل مع نزعة النفس الثورية دى ؟
نقمع الثورة دى إزاى ؟

الحل فى سياسة النفس ... آه سايسها
كلمها كده : ايه ؟ تعبتى ؟
طب بصى لقدامك .. آه هناك .. قداااااااااااااام ... شايفه الناس اللى سبقونا إلى الله عزوجل
أنتى عايزة تقعدى وفى الآخر مش نحصهلم .. لأ .. هنمشى وراهم ده كله ونيجى دلوقتى ونقف ؟ لأ ميصحش
ده إحنا خلاص قربنا نلحقهم ونقابلهم ونقعد معاهم ونعيش معاهم حياة تانية خالص وننسى التعب ده كله
أيوة يا نفس هتشوفى النبى صلّ الله عليه وسلم وهتبقى قريبة منه فى الجنة
وهتقعدى مع أبى بكر وعمر وعثمان وعلى وخالد وعبدالله بن مسعود
وهنروح يوم الجمعة للقاء الملك الجبار جل جلاله والنظر إلى وجهه سبحانه
عايزانى أضيع ده كله وأقعد فى نص الطريق .. عايزانى أتوه .. عايزة الناس اللى ورانا يلحقونا نبقى مع أبى جهل وأبى لهب وبن أبى سلول والناس دوول
أصلنا لو مش لحقناهم هنقعد من الناس الوحشيين دول لا محالة
عايزة ايه بقى؟ لا اعقلى واستحملى كلها ساعة

الكلام ده قاله ابن القيم .. بس مقالوش كده طبعا تعبت من الطاعه almstba.com_1357390093_863.gif


اسمع بقى يا سيدى ... اسمع وادعيله
يقول ابن القيم رحمه الله :
(( وكلما سكنت نفسه من كلال السير ومواصلة الشد والرحيل وعدها قرب التلاقي وبرد العيش عند الوصول فيُحْدث لها ذلك نشاطا وفرحا وهمة فهو يقول : يا نفس أبشرى فقد قرب المنزل ودنا التلاقى فلا تنقطعى فى الطريق دون الوصول فيحال بينك وبين منازل الأحبة
فإن صبرت وواصلت المسرى وصلت حميدة مسرورة جزلة وتلقتك الأحبة بأنواع التحف والكرامات وليس بينك وبين ذلك إلا صبر ساعة فإن الدنيا كلها كساعة من ساعات الآخرة وعمرك درجة من تلك الساعة فالله الله لا تنقطعى فى المفازة فهو والله الهلاك والعطب لو كنت تعلمين
فإذا استصعبت عليه فليذكرها من أمامها من أحبابها وما لديهم من الإكرام والإنعام , ومن خلفها من أعدائها وما لديهم من الإهانة والعذاب وأنواع البلاء , فإن رجعت فإلى أعدائها وصولها وإن تقدمت فإلى أحبابها مصيرها ))

ختاما أقول
خلاص إحنا قربنا نوصل ... آه والله قربنا نوصل خلاص ... اوعى تقف واوعى تمل من السكة وإن كانت صعبة
اوعى تسمع كلام نفسك وتقف
نسأل الله عزوجل أن يدخلنا جميعا برحمته فى عباده الصالحين


مما رآآآآآق لى




3 
sweet soul

بجد توبيك رااائع جدا
ولفته جميله منك يا يونا
كنا فعلا محتاجين نقف مع نفسنا الوقفه دى
جزاكى ربى خيرا
واحلى تقييم ليكى وللتوبيك +


5 
ابو الوليد النبوى

جزاكى الله خيرا
تقييم
هذا الكلام الذى فى الأعلى أظن أنه من كلام الشيخ يعقوب حفظه الله
ورحم الله الامام بن القيم
أنصحكم يا اخوانى ويا اخواتى بقراءة كتبه
وهناك كتاب لأحد المعاصرين جمع فيه نفائس من كلام بن القيم
اسمه \ المجموع القيم من كلام بن القيم
هذا الكتاب رائع جدا لمن أراد الاستمتاع بكلام هذا الامام
جزاكى الله خيرا يا عيون



أدوات الموضوع
انواع عرض الموضوع


مواضيع متشابهة مع: تعبت من الطاعه
خواتم روحانيه للهيبه القبول المحبه الطاعه العمياء جلب الحبيب الاخفاء الطيران الاختفاء عن العيون متجر العطار الروحاني من قسم أرشيف المنتدى
يوتيوب اغنية تامر حسنى والله تعبت ، تحميل مشاهدة اغنية والله تعبت mp3 كاملة من قسم يوتيوب YouTube
تحميل اغنية اليسا تعبت منك 2012 mp3 - تنزيل استماع اغنية اليسا الجديدة تعبت منك كاملة 2012 من قسم تحميل اغاني 2017 MP3
الفولي رئيس بعثة مصر في الأوليمبياد‏:‏ بعثة لندن الأكبر‏..‏ ومصباح وتامر يحملان العلم بالافتتاح والختام من قسم أخبار الرياضة Sports
كلمات اغنية اليسا تعبت منك 2012 - كلمات اغنية اليسا الجديدة تعبت منك 2012 من قسم كلمات اغانى مكتوبة

الساعة الآن 04:40 AM.


Powered by vBulletin® Copyright ©2000 - 2018, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.