العودة   منتديات المصطبة > الأقسام الترفيهية > المهيسون فى الأرض

المهيسون فى الأرض إفتكاسات وتهييس "بدون زعل"، شوية فرفشة على شوية نكت على مقالب مضحكة

المعاكسة واجب قومى

كاتب الموضوع: بحبك يا زمالك، فى قسم: المهيسون فى الأرض


1 
بحبك يا زمالك

المعاكسة واجب قومي وحق تجاه اي مزة نازلة الشارع وتاعبة نفسها ومتشيكه وحاطة ميكب ونازلة تقول للأرض اتهدي ما عليكي ادي ... عايزين ايه من الشباب يعني ... مش لازم يشجعوا المنتج المحلي ... وكمان لما البنت دي تتعاكس والشباب يقرفها في الشارع اكيد هاتتربى وهاتتعلم الادب وتنزل الشارع بعد كده محترمة .... ماهو لو محترمة والله ما كانش حد قرب ناحيتها .

بس في مشكلة ...

البنت اللي لبسها كويس ولابسة اسدال كمان او خمار بتتعاكس ليه .؟؟؟.... ايه اللي بتتعاكس ليه ... اكيد ماشية تتمايع وتضحك في الشارع وحاطة ميكب اد كده ....لازم نربيها بردو وتنزل الشارع محترمه ... ساكتة ولا تنطق من اساسه ... مش بقولكم واجب قومي ... بنربي بنات مصر ...

طب واللي ماشية لابسه محترم ولا حاطة ميكب ولا غيره وماشية في حالها لا بتضحك ولا بتتمايع ... ...لأه بقى ما هي نازلة الشارع وحدها وقاصدة تتعاكس ايه اللي منزلها الشارع وحدها وهي عارفة الشوارع بقت عاملة ازاي ... ماهي لو محترمة بجد كانت نزلت مع باباها ولا اخوها ولا خطيبها حتى ... دي عايزة تعمل محترمة وتضحك عالشباب وتجيب عريس ... وبردو لازم نبينها على حقيقتها وتتعاكس علشان محدش يفتكرها محترمة ...

طب واللي نازلة مع اخوها ولا خطيبها ولا حتى جوزها (مش نازلة وحدها اهو) ويطلع لها واحد من ورا خطيبها ولا اخوها بيبصبص ليها كده من ورا ضهر الراجل الغلبان وعمال يشاور ويعمل حركات ويقرفها ... ... يا سلاااااااااااام ومين قاللك ان ده خطيبها ولا اخوها .. تلاقيها الواد اللي ماشية معاه ماهو لو كان خطيبها كان قعد يشوفها في بيتهم .. وانا بعاكسها علشان اعرفهم قيمتهم هما الاتنين علشان يتربوا ويبطلوا صرمحة في الشوارع ... مش بقولك واجب قومي علشان البلد والله....


طب واللي واقفه في البلكونه الغلبانه بتنشر ولا بتجيب حاجة بالسبت بيطلع لها ميت واحد من الشارع راصدينها واللي يعاكس واللي يشاور.. الله ما هي قاصداها اهي وطالعة البلكونة علشان الناس تشوفها وتتعاكس .. هي اللي عاوزة تتعاكس من الاساس .. وانا لما بعاكسها بوريها قيمتها اصلا ... هي ايه اللي طلعها البلكونة من الاساس .. تنشر .. هههه دي تلاكيك يا عمنا ... دي عاوزة تتعاكس ... ماهو لو محترمة والله ما كنت هاقرب ناحيتها ...

طب واللي قاعدة في بيتها يا ناس .. ويطلعلها من الشباك اللي عمال يبص ويبحلق فيها ويعاكسها ... شوفت اديك قلت بنفسك ياعم ... هيا اللي فاتحة الشباك علشان الراجل ده يشوفها ويعاكسها ... وتلاقيها كانت بتتمخطر قدامه رايحة جاية ومتشيكه علشان يشوفها ويعاكسها .. هي لو محترمة تفضل في بيتها وتقفل الشبابيك والبلكونات والبيبان كلها وتقعد تحت السرير كمان علشان تبقى بنت محترمة بصحيح ومحدش يشوفها خااااااالص وتدفن نفسها بالمرة





3 
eslam

مقدرش اقولك ان العيب فى البنات وبس او فى الشباب وبس لا كل طرف مسؤل

يعنى لو بنت مش كويسة دة مش مبرر ان الشاب يعاكس يعنى هو لو محترم مش هيعمل كدة

لكن ديما زمام الامور تكون فى البنت هى اللى تقدر تخلى الناس تحترمها وهى اللى ممكن تقل من نفسها

يعنى انا مقتنع ان الواحد يقدر يخلى الكل يحترمة حتى لو انسان مش محترم غصب عنة هيحترمك طالما انت محترم

الرك ع البنت فى الاول وقليل اوى لما اشوف بنت كويسة فى لبسها وتتعاكس الاغلب بيكون لابس ومش لابس ههههههههه ربنا يهدى ومتشكر توبك جميل جدا




4 
wonderful*Girl

هههههههههههههههههههههههههههههههههههههههههههههه
ميدفنو الشباب نفسهم همه
عشان ميعاكسوش البنوتات ومتجيش ذنوب ليهم
نياهاهاهاها
بعدين البنت لو قمه فـ الادب الشباب برضو
هتعاكس.. عشان همه بيحبو يعاكسو
وطبعا تصرفات البنت كومان ليه تأثير
بس موش احنا السبب لوحتنا!!
:$


توبيييييييييييك توحفايه اوي


5 
الدرة المصونة

هههههههههههههه ايه ده ظنك سئ
لالا مش كده برده المفروض انها تموت احسن هههه
موضوع جامد
وربنا يهدى الجميع
انا مش مجربة لانى مش باتعاكس انا لابسة خمار بس من غير ميك اب ههههههه





Powered by vBulletin® Copyright ©2000 - 2018, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.