العودة   منتديات المصطبة > الأقسام الإدارية > أرشيف المنتدى

أرشيف المنتدى جميع المواضيع المحذوفة والمكررة والمخالفة لقوانين المنتدى تُنقل هنا

لحظه وداع

كاتب الموضوع: *منه*، فى قسم: أرشيف المنتدى


1 
*منه*

Kill Diabetes

السلام عليكم ورحمه الله وبركاته

اذيكم الاول عاملين ايه

بصوا بقي يااجمل اعضاء

دي اول مشاركه ليا معاكوا في المنتدي


وحبيت تكون قصه من تأليفي يارب تعجبكوا

وحتي لو معجبتكوش هتبعوها هتبعوها

سامعه حد عندوا اعتراض .........؟؟

القصه دي علي فكره معرضتهاش قبل كدا غير في منتدي واحد بس
وانتوا اول منتدي مشهور يعني

اه ما انا قولت لازم ابداعتي تشوف النور يمكن حد يكتشفني

ها اعرض اول حلقه ولا ايه ؟؟؟؟؟؟
لحظه وداع s12.gifلحظه وداع s12.gifلحظه وداع s12.gifلحظه وداع s12.gif



2 
*منه*

يااااااااااااااه للدرجادي مصممين اني انزلها
هههههههههههههه

طب خدوا اول حلقه

الأبطال
داليا:السنة الخامسة في كليه طب
مازن:خريج تجاره ويعمل ببنك
سلمي: اخت مازن السنه الاولي في طب بيطري
دعاء:السنة الخامسة طب وخطوبه
رحاب : رابعة آداب إنجليزي صاحبه دعاء من بعيد

مازن وداليا ولاد عم وساكنين في نفس البيت

في شقه داليا
(جرس الباب يرن )

داليا : إيه يا مازن أنت بترن الجرس ليه يعني ما الباب
مفتوح قدامك اهو ولا هي يعني رخامه وخلاص

مازن : بطلي خفه دم آمال فين عمي ومرات عمي

داليا : عمك في العيادة وماما في المطبخ

مازن: إخبار الكلية اللي بقالك فيها خمس سنين دي إيه

داليا :اللي يسمعك كدا يقول دا انابعيد يابني انا في طب مش فاشله زيك

مازن :هههههه اسكتي بقي متفكرنيش بيوم نتيجه الثانويه العامه يوماها ماما فرجت عليا البيت كلوا اشمعنا بنت عمك هتدخل طب وانت فاشل وجايب مجموع ميدخلكش معهد صرف صحي

داليا : هههههههههههه اه يااخويا فاكره يومها ماعرفتش افرح بنجاحي

مازن : بس انا دلوقتي موظف محترم في بنك

داليا: ياعم روح لولا واسطه عمي كان زمانك علي القهوه

مازن: طب بقولك ايه مين البنتين اللي كانوا نازلين من عندك دول

داليا: اه دعاء ورحاب ...مالهم ؟

مازن : زمايلك دول اول مره اشوفهم يعني

داليا: يابني ما انت عارف دعاء ماهي كانت زملتي من الثانوي

مازن: طب والي معاها بقي ؟؟

داليا : ااااااه تقصد رحاب
دي يااسيدي في اداب بس كانت جايه مع دعاء كدا يعني بس مش صحبتي اوي ..... انت بتسال عنها ليه

مازن: طب وأنت مش مصاحبها ليه ؟

داليا: مش بيعجبني طريقتها في كلامها ولبسها مش شكلي يعني لكن دعاء محترمه

مازن : طب سلام أنا نازل

داليا: أنت كنت جاي ليه أصلا

مازن : كنت جاي اسلم علي مرات عمي ابقي سلمي عليها سلام يا قمر

داليا:سلام ورحمه الله وبركاته

ام داليا: مين كان هنا يادودو

داليا :دا مازن ياماما ونزل

الام: مقعد ش يتغدي ليه

داليا : مش عارفه تلاقي وراه حاجه وبعدين هتلاقيه هنا عالعشا متخفيش.... انا داخله اذاكر

(داليا في غرفتها)

داليا مع نفسها : ياااااه امته هيجي اليوم اللي تعرف فيه اني بحبك يامازن خمس سنين وانا ساكته ومستنياك تحس بيا امته بقي يارب أمته





Powered by vBulletin® Copyright ©2000 - 2018, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.