العودة   منتديات المصطبة > الأقسام الأدبية > منتدى القصص والروايات

منتدى القصص والروايات قصص رومانسية، قصص حقيقية، قصص حب، قصص الرعب والخيال، قصص قصيرة

ويبقى الخيال مصدر سعادتى :)

كاتب الموضوع: سندريلا القلوب، فى قسم: منتدى القصص والروايات


1 
سندريلا القلوب

مكالمه مع واحده صحبتى من وحى الخيال

انا : اعده بتكلم فى عقلى واقول ياااااه للدرجه دى انا مش فارقه معحد وبعدين سمعت صوت باينه الموبايل بتاعى بيرن اكيد رساله من فودافون على طول انتى اللى فكرانى هى اللى مصبرانى على البلد دى اصلا
لا لا دى صبحتى حبيبتى بتتصل بيا بصوت بيحاول يخبى كل حاجه ويفرح وينشكح فتحت وقولت الو ...

صاحبتى : الو فينك يا بت مختفيه فين

انا : بصوت مش عارف يخبى اكتئابه موجوده فى الدنيا اهو

صاحبتى : مال صوتك اوعى تكونى مكتئبه من غيرى يا ندله

انا : انا اقدر بردو يا كبيره

صاحبتى: اه بحسب يعنى

شوية صمت فى المكالمه

صاحبتى : متاكده انك مش زعلانه مالك انا مش متعوده عليكى هاديه كده فين الرغى وضحكتك اللى عمرها ما كانت بتقف واحنا بنتكلم مش هتقوليلى يعنى بقى كده دى اخرتها

انا : لسه بكابر ومش عايزه اشيل حد زعلى او اكئب حد معايا وعايزه ارد عليها بسرعه ومش عارفه اعمل ايه
رديت بسرعه من غير تفكير معلش بقى يابنتى الصيام مهبطنى ومش مخلينى اركز

صاحبتى:ده على اساس ان انا فاطره ولا تايه عنك وبعدين مش بتنزلى تصلى معايا ليه ولا لازم اجى اشدك من بيتكم

انا: بدات اضحك ورديت هو عشان انا مش فايقالك هتشتغلينى

صاحبتى :ايوا كده الشباك فتح ولا لسه حاسه ان سمعت احلى ضحكه من احلى اخت

انا : ايه يا بنتى من اول المكالمه رغى رغى ونسيت اقولك اخبارك ايه يا مزتى

صاحبتى : تمام الحمد لله يا جوجو .. مش هتقولى مالك بقى

انا : بصى انتى عارفه صحبتك مجنونه ودماغها طقه اه تعبانه ومخنوقه من غير سبب او يمكن بسبب المهم بعد مكلمتك دى انا رتحت حسيت ان عمرى مش راح هدر وعرفت اصاحب
فكك من النكد بتاعى وتعالى ننم شويه بقى هههههههه انا كده فوقت

صاحبتى : ماشى ياكبيره والضحكه تدل على الشر

انا : تموتى انتى فى النم مش كده طب احنا فى رمضان بقى اللهم انى صائمه انتى متصله تضيعى صيامى مش كده


ومش هقدر ااحكى الباقى دى اسرار بينى وبين صبحتى
قصه صغيره من وحى الخيال

#بقلمى




2 
dodye7sas

قصة جميلة جدا
وربنا يخليكوا لبعض
بس كملى القصة
اية هى الاسرار
هههههههههههههههههه



Powered by vBulletin® Copyright ©2000 - 2018, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.