العودة   منتديات المصطبة > الأقسام الترفيهية > المهيسون فى الأرض

المهيسون فى الأرض إفتكاسات وتهييس "بدون زعل"، شوية فرفشة على شوية نكت على مقالب مضحكة

واحد رخم اوى بيفسح خطيبته

كاتب الموضوع: الكبير اوى، فى قسم: المهيسون فى الأرض


1 
الكبير اوى

هي : عطشانة

هو : وأنا كمان

هي : يعنى ... عايزة اشرب

هو : أكيد مادام عطشانة يبقى عايزة تشربي

هي : المفروض بما أن عندك إحساس يعنى إني لما أقولك عطشانة تجيب ليا حاجة ساقعة

هو : ومين اللي هيحاسب ؟؟

هي : أنت طبعاً

هو : منين ياحسرة .. ماانتى عارفة الكانز وغطاه

هي : ماقلتش عايزة كانز .. كفاية إزازة صاروخ

هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك

هي : قصدي تعزمنى في مكان شاعري

هو : في الحر ده .. ماينفعش

هي : بلاش دى .. نأخد مركب عالكورنيش

هو : المراكب بتغرق اليومين دول .. خلينا ع البر أحسن

هي : بلاش المركب تعالى نأكل ترمس .. أظن ده رخيص

هو : إنتى تضمني منين إن الراجل غاسل إيده وغاسل الترمس

هي : أعوذ بالله .. إنت مقفلها كده ليه ؟؟

هو : بصراحة معييش فلوس

هي : يا سلام!! .. ماأنت كان معاك إمبارح

هو : إمبارح دخلت السينما مع بنت حلوة كده فالفلوس خلصت

هي : بنت حلوه ؟؟!! وبتقولها في وشى

هو : أكذب عليكى يعنى

هي : لأ تحرق دمى أحسن

هو : أنا مش شامم ريحه شياط يعني

هي : ياساتر علي البرود

هو : برود إيه ؟؟ ماهو الجو مولع أهو

هي : إنت اللي بارد

هو : بارد إزاى ؟؟ دا أنا بشُر عرق

هي : بقولك إيه .. روحنى

هو : أروحك ؟! هو إنتى ماتعرفيش تروحي لوحدك

هي : آآآآه .. طب أنا ماشية

هو : ليه يا حبيبتي؟؟

هي : حبك برص

هو : والله البرص بيفهم عشان حبني

هي : بجد كده كتير

هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد

هو : يعنى مصممة تمشى ؟؟

هي : أيوة وحالاً كمان

هو : طب استني لما نوصل آخر الشارع

هي :اشمعنى ؟؟

هو : أصل أنا ساكن هناك .. و مايرضكيش أروح لوحدى

هي : لااااااااااااااااااااااا

هو : ينفع كده ترمي نفسك في الميه مين هايوصلني بقى.




4 
الكبير اوى

اقتباس: المشاركة الأصلية كتبت بواسطة سـفـيـر الـمـحـبـه  مشاهدة المشاركة

ههههههههههههه هو فعلا رخم وبيخنؤ أوي

وبجد لو كنت قاعد معاهم كنت قتلته

ههههههههههههه

وناااايس توبيك يا غالي .. تسلم ايدك


ههههههههههههههههههههههههه
دى اقل واجب القتل
شكر على مرورك



Powered by vBulletin® Copyright ©2000 - 2018, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.