العودة   منتديات المصطبة > الأقسام الترفيهية > المهيسون فى الأرض

المهيسون فى الأرض إفتكاسات وتهييس "بدون زعل"، شوية فرفشة على شوية نكت على مقالب مضحكة


1 
gO Away

ازاى تعرف انك بتتفرج على فيلم عربى؟







1- عندما يكون البطل مريضا وتقدم لة البطلة حبة الدواء مع كوب ماء وبعد ان يبتلعها
وتسأله البطلة فورا : ها عامل اية دلوقتي المفاجأه انة يرد عليها الحمد لله بقيت احسن
كده بالسهولة دي هو واخد حبة البركة ولا ايه؟

******

2- عندما يصل البوليس الي موقع الجريمة دون ان يبلغه احد وتقريبا المخرج هو اللي بلغ علشان يصور أمّال هيصور ايه

*******

3- ويصاحب مشهد مهاجمه البطلة لقطات الامطار الغزيرة والبرق والرعد والشباك الذي ينفتح بقوة علي مصراعيه وتلاقي البطلة في الفيلم مصيّفه

*******

4- عندما تقول البطلة للبطل انها حامل فيرد البطل على طول اللي في بطنك ده لازم ينزل

وغالبا بيكون يوسف شعبان

*******

5- عندما تفاجئ باغنية مالهاش أي لزمه في نص الفيلم وبعدين البطل والبطله بيكونوا وماشين فى الشارع وهو يغنى وفاجأه تلاقى الموسيقى مش عارفه بتيجى منين دا غير
ان مفيش علاقة بين الاغنية والفيلم

*******

6- من المستحيل ان تجد الهاتف مشغول والطرف التاني يرد من قبل ما النمرة تجمع ولا تدي جرس حتى

*******

7- العبارة الساذجة الشهيرة التي تصطحب مشهد القبض علي المجرم : مفيش جريمة كاملة وانت فاكر انك هتهرب من البوليس بعملتك دي
والانكار مش هيفيدك

*******

8- عندما يسكر البطل فتجده يصب كوب ممتلئ علي اخره متقولش بيسكر بعصير قصب

*******

9- عندما يخرج الطبيب من غرفة العمليات يرد بجملة من ثلاث جمل
اضطرينا نضحي بالجنين
شدو حيلكوا يا جماعه
العمليه نجحت بس مش هتقدروا تشوفوه دلوقتي

*******

10- عندما يجلس البطل والبطلة في نفس الكازينو بتاع كل فيلم اللي في وش ماسبيرو ويطلبوا نفس العصير اللي في كل الافلام مش عارفه تانج او ميراندا ويخلص المشهد من غير ما حد يشرب حاجة
وتقريبا علشان هيتصور بالمشاريب دى فيلم تاني

*******

11- عندما يصاب البطل بطلق ناري في قلبه وتنزف الدماء من بطنه زي صلصلة الكشري ويظل يتحدث بطلاقة وتركيز لمدة خمس دقائق يقوم خلالها بفك لغز الفيلم والاعلان عن القاتل الحقيقي او البطل يبقي ابن مين

*******

12- عندما تتناول الابنة الفطار وهيا واقفة وبتاخد لقم سريعة فتقولها الوالدة ما تفطري يابنتي كويس تقولها: لا علشان الحق المحاضرة وتبوسها وتمشي فتنظر الوالدة الي الوالد ويبدأن في الدعاء

*******

13- عندما تغيّر حرب اكتوبر اخلاق كل المنحرفين الموظف المرتشي والجاره اللعوب والبلطجي والمجرم بطبعه


*******

14-عندما تجد مقر العصابة ملئ بالقش والبراميل الخشبية

*******

15- عندما تسمع صرير احتكاك كاوتش العربيات اللي بطارد بعضها وتقريبا بتبقي عربيات 128 وماشية بسرعة 30 كيلو

******

16- عندما يكون المجرمين أسمائهم ابو دومه وابو شفه






Powered by vBulletin® Copyright ©2000 - 2018, Jelsoft Enterprises Ltd.
المواد المنشورة والمكتوبة فى المنتدى لا تُعبر بالضرورة عن وجهة نظر القائمين عليه ولكنها تعبر عن وجهة نظر كاتبها فقط.